Әдәбиятны өйрәнү юлында / На пути изучения литературы

Профессор Хатыйп Миңнегуловның, нигездә, соңгы өч-дүрт елдагы язмаларын туплаган әлеге җыентыкта күп гасырлык татар сүз сәнгатенең төр һәм жанрлары, идея-эстетик хосусиятләре, традицияләр дәвамчанлыгы, халыкара багланышлары, аерым авторларның (Харәзми, Мәрҗани, Абай, Г. Исхакый, Тукай, һ. Атласи, М. Ауэзов, Р. Гаташ һ. б.) иҗатлары кебек мәсьәләләр тикшерелә. Китапның шактый өлеше татар-төрки әдәби бәйләнешләрен, аеруча хәзерге чордагы үзара элемтәләрне яктыртуга багышланган. Ә инде дөньякүләм мәшһүр «1001 кичә» ядкяре татар рухи тормышына мөнәсәбәттә махсус бүлектә карала. Китап филологларга, гуманитар тармак белгечләренә һәм, гомумән, төрки-татар сүз сәнгате белән кызыксынучыларга адреслана.

Темы: литература народов России, филология, татарская литература, книги на татарском языке