Tom dayının daxması

Harriyet Biçer-Stounun “Tom dayının daxması əsərində qüdrətli Amerika ölkəsindəki köləlik sistemi, irqçilik, bunların insanların psixologiyasına, intellektinə vurduğu pozucu təsirlər, zəngin mənəviyyatlı zəncilərin ağlasığmaz məhrumiyyətləri ustalıqla qələmə alınıb. Roman öz dövründə böyük ictimai rezonans doğurub, qullar üsyanına və 1861-65-ci illər ABŞ Vətəndaş Müharibəsinə əsaslı təsir göstərib. “Tom dayının daxması romanı “Bibliyadan sonra XIX əsrin ən çox satılan kitabıdır. 1862-ci ildə xanım Stou ilə qarşılaşan ABŞ prezidenti Avraam Linkoln belə deyib: “Azadlıq müharibəsini başladan bu balaca xanımdır.