Үзем белдем, диген

Халык һәрвакыт яңа күргән кешесен «безнеңчә»леккә сынаган: үз кешеме ул, безнеңчә күрәме дөньяны, безнеңчә фикерлиме? Шуны билгеләр өчен, әкиятләрдә яшь егетләрне табышмаклар белән сыныйлар. Бик зирәк булсаң да, җавабын белмәскә мөмкин син аның. Табышмакны уйлап тапкан халык кебек фикер йөрткәндә генә, дөрес җавап табыла. Бу җыентыкка без әнә шундый әкиятләрне тупладык. Сез дә сынап карагыз үзегезне.