Uşaqlıq illərimin şəkilləri

Kitabda müəllifin son illər mətbuatda çap olunmuş esseləri toplanmışdır. Esselərin mövzusu rəngarəngdir. Müəllif gah xəyal qanadlarında uşaqlıq illərinə səyahət edir, yaddaşına hopanları sözə çevirir, gah da bugünə qayıdır, gördüklərinə bir uşaq gözüylə təzədən nəzər salır. Esselərinin birində anasının yuxu gördüyü evin sözlə şəklini çəkir, başqa bir essesində isə yolun ortasında uşağını döyən ananı “qınamayın deyir. Oxucularını keçmişdən gələn qızla görüşə çağırır, heç vaxt bitməyən müharibələrin zərbə vurduğu insan talelərindən söz açır. Kitabı müəllifin iç dünyasına səyahət də adlandırmaq olar.