KÜTLƏ VƏ HAKİMİYYƏT

Elias Kanettinin 30 illik zəhmətinin bəhrəsi olan “Kütlə və Hakimiyyət sosioloji, antropoloji, psixoloji və s. cəhətlərə toxunan, amma bunlarla məhdudlaşmayan bənzərsiz bir əsər kimi tanınır. Kanetti bu kitabında “kütlə və “iqtidarın bir-birlərinə təsirindən, insanlar arasında “əmr və “itaət əlaqəsinin necə formalaşmasından bəhs edir. İkinci Dünya müharibəsinin şahidi olmuş Kanettiyə görə kütlə “dağıdıcı, iqtidar “öldürücüdür. İnsan “iqtidar istəyi ilə Tanrının qiyamət və dəhşət təhdidini oğurlamışdır. Ölümə qarşı müqavimət göstərməyin yolu isə əmrlərdən boyun qaçırmaq və yaratmaqdır. Kanetti “Düşünmək israr etməkdir deyərək, “Kütlə və Hakimiyyəti qələmə aldığı 30 il ərzində bu əsəri kölgələyəcək ölçüdə başqa bir əsər yazmadı. Çox sayda araşdırmaya və hər il Vyanada keçirilən bir simpoziumun mövzusu olan bu kitabdan sonra insan təbiətinin kütlə və iqtidarla əlaqəsini bu qədər əhatə edən başqa bir əsər də yazılmadı. Beləcə, “Kütlə və Hakimiyyət zamana qarşı dirənən insanı anlamaq üçün misilsiz qaynaqlardan biridir. Bunu dərk etmənin bəxtiyarlığını hiss etmək istəyənlər üçün... “Kütlə və Hakimiyyət!